१०० प्रश्न, सोपी उत्तरे

अनेकांच्या मनात लैंगिकतेबद्दल असंख्य प्रश्न असतात — पण ते विचारायला कुठे, कोणाला, हे न कळल्याने ते अनुत्तरितच राहतात. कधी लाज वाटते, कधी योग्य व्यक्ती सापडत नाही, तर कधी चुकीच्या स्रोतांकडून चुकीची माहिती मिळते.

'१०० प्रश्न, सोपी उत्तरे' हे पुस्तक याच पोकळीला भरून काढण्यासाठी लिहिलेलं आहे. शरीराच्या मूलभूत रचनेपासून ते नातेसंबंधांपर्यंत, मासिक पाळीपासून ते मानसिक आरोग्यापर्यंत — सगळ्यात जास्त विचारले जाणारे १०० प्रश्न, आणि त्यांची सोपी, स्पष्ट, वैद्यकीयदृष्ट्या अचूक उत्तरं इथे एकत्र मांडली आहेत.

हे पुस्तक कोणत्याही क्रमाने वाचता येईल — ज्या विषयाबद्दल जिज्ञासा असेल, तो भाग थेट उघडून वाचता येईल. आशा आहे, हे पुस्तक तुमच्या मनातील शंका दूर करून, तुम्हाला अधिक आत्मविश्वासाने आणि योग्य माहितीसह पुढे जाण्यास मदत करेल.

— स्पर्श